Sans fé désord’

Ici nou nana mille nation, toute in même force la réunion ;

Jeunesse limiér’ oui nou lé fiér’ nou même gardien la tradition.

Hier té soubat’ contre la misére , na d’autre la plére la doulér la guerre ;

Zordi créole nou viv’ en créol’ , sans fé désord.

Ici nou viv’ si in volcan, nou com’ in kér’ dan l’océan ;

Nout’ sentiment penkor toufé , la lave volcan i coule , i gréne do fé.

Hier nou la chante la révolition , chante in kulture , chante in nation ;

Zordi kréol nou viv en kréol , sans fé désord .

Ici nou agard’ lo jour cléré , merci mon dié pou la journée ,

Demain na sert pli fort nout’ poingt , na mett’ ensemb’ na donne la main.

Hier la amare nout’ cos’man , la ferme à nou dan’ tabliss’man,

Fo pas tombé fo pas pléré chofé roulér nou va avancé, sans fé désord’.

Salimina Bernard