Reviv’

Bougé bougé bougé bougé manman

La pas zordi la pas demain ta rouve ton zié ta voir pli loin

La pas jordi la pas demain , domoune y fé pas ton destin

Moin té la brise dan’ la forêt , Jamais trop chaud jamais trop frais

Moin té un nuage devant soleil , lété pli jolie la coulèr lo ciel

Moin té la rosé dans ton zié , cyclone la ni tout’ la changé

Moin même lo vent ma la souflé, ma la casse pied d’ bois dan’ la foret

Moin même l’orage moin la pété , Zéclèr la coupe le ciel en deux

Moi-même la pli moin la tombé, ton ti rivière la débordé

Moin té l’espoir moin té y aime vive , zordi mi sava demin mi arive

Moin té un cœur té y bat’ trop fort , té y bat’ pou deux, moin té ignore

Moin té un secret y fallait pas dit , zordi domoune y raconte nout vie

Moin même pied d’bois après cyclone , un peu soleil à la mi bourgeonne

Moin même l’amour lé jamais mort , oui demain ma aime encor pli fort

La pas zordi peut être domain

Ta rouve ton zié ta voir pli loin

La pas zordi sera demain

moin même mi pé change ton destin

Salimina Bernard