Poème d’amour

Si dessus la terre lavé rien qu’nout’ dé,

Com’ dolo la riviere toujours la source nou té i ça rodé ;

Oussa l’amour lé pli prop’ la point rien pou dérangé,

Oussa l’amour tel’ment fort, tel’ment fort com’ nou la aimé.

Si la nuit’ quand i tomb’ fé magine domain cosa va changé,

Aprend’ marche eq’ mon l’ombre, laisse pas refroidi mon café ;

Encore pli vite, pli vite fo pas penser ;

In not chomin , in not domin , ça com’ lo vent i peut tourner.

Sans fé detour ni cose l’amour, ni di je t’aime mi aim’ à toé ;

Trois lettres par jour poéme d’amour, in mot pou in pensé.

Si déssis la terre lavé in coin pou oublié,

Pou cachiet’ nout’ doulér’ chaqque fois le masque fini tombé ;

Juste déssis in nuage com’ ça na voir lo vent tourné,

Pas trop loin in zétoil’ dernier limiér pou éclairé.

Si lo temp quand li cour li vé pas lache nout’ destiné,

La vie y fé lo sourd quand lo meilleur lé dan lo passé,

L’amour in n’affair quand i commence jamais i fini,

Lo kèr’ i batte pou in souv’nir , lo kèr’ I batte pou in foli.

Na toujour in jour I fo cose l’amour , dovan in photo ,in letter déchiré;

In l’alé rotour poéme d’amour, lo kér’ aussi nana son vérité.

Poutant , mon pli jolie poéme , gagnera pas di mon sentiment,

Oh ! si moin té appel Verlaine , moin noré écrit eq ‘ mon sang ;

Juste in ‘ ti mot : je t’aime

Salimina Bernard