Mové dimanche

Z’histoire mi sa raconté Cé un marmaille lé condané

Répitation li lé soulard , mém’ na dé jour li lé bizarre

I rode pi po koué li la tué ,li té déjà catalogué

Sa té un dimanche coté la boutique , toujours lo même politique

La rhum si rhum envoyé , après y commence ralé poussé

Ou koné lo sang créole lé chaud , Même kan y habite dans lé haut

Crois pas son zamal la monté , crois pas son rhum po fé l’effet

Garde son coulere ou koné son race zordi si li lé dans la mélace

un coud’ hache li la donné son momon y fallait pas jiré

là parmi toute so mouvement , un boug lé en train’ jire so momon

toute la famille li pou critiké , i dit untel lé batardé

li koné bien kosa li trend’ di , li même c’est le deuxieme mari

zordi lété pas un jour la chance zordi lété un mové dimanche

oui marmaille là té fatigué son l’orgueil la pi suporté

son destin lété trouvé zordi son ti père li sa tié

Un coup dé coup li la tapé , li entendra pi boug la kosé

Dobout devant la jistice son réputation tombe son complice

Kosa ou vé li té cagnard , Aster li lé po fini tolard

Salimina Bernard