Mon fille

In dernier romans’ mi joué , talèr’ ton momon i vient trap’ à toé ,

La pas mon faute si nous lé pi d’accord , peut èt’ l’amour té pa assé fort ;

Peut èt’ nout’ dé la pa compri , cosa i lé la vie ,

La pa personne lo tèr’ , mon zenfant prend pas la colèr’.

Et in jour quand ta grandi écoute pas domoun’ cosé ,

Zot va di papa toé na pi , mon fille ta fé pitié.

Ton ti zié i brille dovant toé mi ça pas pléré,

Ton ti coulèr’ longani cé moin mèm’ la donne à toé ;

Toé lé com’ in branche soleil , toé lé com’ in bout’ lo ciel,

Com’ in vague la mer , pou fé batte mon kèr’.

In dernier romans mi joué , mon larme la pré coulé ,

Mi préfère pa magine domain ,mon zefant oubli pas moin ;

Ignore pas , ton papa , moin sora peut èt’ clochard,

Mon fille laisse pas moin , laisse pas moin su trottoir.

Et in jour quand ta grandi écoute pas domoun’ cosé ,

Zot’ va di papa toé na pi , mon fille ta fé pitié.

Salimina Bernard