Mon façon vive

Crois pas moi sé un boug bézé , Mon facon vive lé pas kompliké

La chance y passe y passe trop loin , Jordi li sera pas encore po moin

Parfois mon cœur lé un pé seré , Na toujours un moun’ pou quité

Parfois mon cœur lé un pé séré , Mi viv’ kome ca comment ma fé

A sans doute bon dié lété en colere , Moin té trop bandit moin té trop volèr

Mi danse mi danse mi danse mi danse juska ta lher

Mi danse mi danse mi danse mi danse lé encore bonher.

Lé vré le monde la évolué ,Si la lune ni gayngne voyagé

Pou tié marmaille nana la guerre , a pas lo diabe i fé l’enfer

mi garde le ciel moin na un pé pèr , la haut na un boug plitot gros ker

mi garde lo ciel moin na in pé pèr , un jour li va crache son colèr

a sans doute bon dié lété en colère la fé coule volcan la fé rouve la terre

Mi danse mi danse mi danse mi danse juska ta lher

Mi danse mi danse mi danse mi danse lé encore bonher.

I parai k’ la bas en dehors Bana y joué avec la mort

Y fé zenfan dans frégidaire Do moune l é fou mon dié seigner

Dan’ un journal Ma lavé vu do leau la recouv’ un pays

Un aut’ coté a s’ sak y parai na l’ouragan la devasté

a sans doute bon dié lété en colère la fé lève lo vent la fé monte la mer

Mi danse mi danse mi danse mi danse juska ta lher

Mi danse mi danse mi danse mi danse lé encore bonher.

Doucement doucement mi continié , Mi lé loin lo boute mi di mi arive

Oh mi prend courage , peut être demain la chance , i passera pas trop loin

peut être demain la chance i passera pas trop loin

Mi écoute pas domoune kosé mon facon vive lé pas compliké

Mi écoute pas domoune kosé mi prend la vie kome larivé

oui sans doute bon dié lété en colere moin té trop bandit moin té trop volèr

Mi danse mi danse mi danse mi danse juska ta lher

Mi danse mi danse mi danse mi danse lé encore bonher.

Salimina Jean bernard