L’espoir

Si in dernier limite zordi na la arivé ,

Lo ciel lé trop loin l’océan lé trop grand ;

Peut-èt’ l’aut’ coté la vie in not’ façon éxisté ,

Peut-èt’ domoun’ va grandi domoun’ va changé.

Jette pas ton l’espoir , reste pas dan’ fé noir ,

Jette pas ton l’espoir zétoile i brille à soir ;

Si ti gagne pi avancé garde lo pli gros pou guide à toé.

La bas si l’horizon , l’aut’ coté l’océan , soleil lé rouge la mer i bouge ;

Ça mèm’ l’espoir mon ban’ zenfant .

La bas si l’horizon encore pli loin dovan ,

Evite l’enfer , passe loin la guerre ;

Ta trouve l’espoir , l’espoir toujour vivant .

Attend’ lé pas fini aster’ l’amour nou va cosé ;

Chakin’ na son zistoire toute sentiment lé différents ;

Mais quand lo pli fort lé dan’ l’oubli , quand lo vent fini tourné ,

Souvenirs là , lé pas parti , fo viv’ ek’ ton passé.

Jette pas ton l’espoir reste pas dan’ fé noir ,

Jette pas ton l’espoir , zétoils i brille à soir ,

Si ti gagne pi avancé ajoute la line va clair à toé.

La bas si l’horizon l’aut’ coté l’océan ,

Ou croise l’amour , ou y aim’ toujours ;

L’espoir i fé viv’ out sentiment.

La bas si l’horizon encore pli loin dovan ,

Na toujour in main si ton chomin ,

Ça mém’ l’espoir , l’espoir toujour vivant.

Salimina Bernard