La plie tombé

Ni diskit’ dovant la porte, na tel’man longtemps nou la pas cosé,

Attend’ écoute lo vent i force, la plie i vient linge si la corde,

Ti pé pas laisse à li mouillé.

La plie résonne déssi la tole ,

Si toé la fré , vient ma chofe à toé tantine ;

Fé attention, fé pas désord’ tention zenfant la va lévé ,

Toé ti profite lo temp li dort,

Juste lo temp fé cuit ton mangé, et la plie tombé.

Zoizo i chante derièr’ la cour,

Pied’ bois i danse dan’ zerbe na la rosée ;

A nous com’ si nou la fé in tour, fini tout’ lo zistoir l’amour,

La pi rien pou nou rodé.

La plie tombé, tombé , tomb’ déssis moin ,

Soleil chofé moin lé pou rien ;

Lo temps i passe zenfant i grandi,

Mèm’ si nou voi pas nou vieilli.

La plie tombé, tombé, tomb’ déssis moin ,

Soleil chofé ténir mon main ;

Lo zié fermé na reve in bout’,

Soleil chofé ni ar comence toute.

Salimina Bernard