In pé lo rêv’

In zié tourné si la misèr

Mi gard lot’ coté, lot’ coté la mer

La bas l’éthiopie, marmaye y cri

Dé pi quelque zanné, mangé na pi

A la nous chante nout’ prière

Fé tomb la pli arose la terre

In pé l’espoir

In pé lo rêv’

In pti zistoir ; fé bat zot kèr

In mot tourné vers tout’ coulèr

Toute sak lé fatigué siporte zot misèr

La bas au liban

Marmaye y cri

Lé né avec la bombe , lé mort ek in fisil

A la nous chante nout prière

Arret’ le sang arrèt la guerre

In pé lamour, in pé lo rêv’

In pti bonjour, in bouquet flèr

Toué la soubat avec le temps

Bataille mon zenfan

Mé magine demain

Toué la soubat avec le temps

Oui mé demain comment sera demain

In zié tourné si lé misèr

Mi garde mon pti bout’ , mon pti bout’ la terre

Ici la réunion marmaye y cri

Y entend cose noël , la jamé vu

A la nou chante nout’ prière

Guet flamboyant comment lé en flèr

In pé la vi , in pé lo rêve

Dé trois guirlande entoure zot ker

Salimina Bernard