Gramoun

Lé vré na des jours toé lé com ‘ moin gramoun’,

Chakin’ si nout’ planète nou laisse couler,

Mi batte si mon roulér à toé ti danse gramoun’ ,

Dernier refrain talèr’ chomin i amène à toé ;

Peut-ét’ ton case lé encore loin ,doucement , doucement toé va arivé ,

Peut »èt’ ti dort si bord chomin , la point personne pou rode à toé ;

Domin ta lève eq’ ton doulèr’ , dernier refrain kayamb i plère ,

Mais qui ça la di toé, lé misère , crase ton maloya jusqu’à terre.

Lé vré na des jours toé lé com’ moin gramoun’ ;

La vie komé là ti préfère oublié,

Oui ton jeune temps lé loin ti rogrette pas gramoun’,

Ti danse pli fort mèm’ si fé noir fini rentré ;

Peut èt’ ton case lé encre loin , toé lé pas préssé pou toé rentré

Peut èt’ ti dor si bord chomin , attend’ à moin na cose in pé ;

Domin na lève eq’ nout’ doulér’ , dernier refrain kayamb’ i plèr’ ,

Mais kisa la dit toé lé misèr’ ,crase ton maloya jusqu’à terre .

Salimina Bernard