Dolo sicré

Dolo sicré do vin la misér’ na in gout amér’ quand na rien qu’ ça mèm’ pou donné.

Dolo sicré doulér plantation , la coupe canne la commencé ,

Mi sorte la haut dan’ bitation po amén mangé mon mari ;

Ça mon l’éducation oté ça i rossemb’ mon pays ,

I fo mi mett ‘ la main ensemb’ pou essaye nourri nout’ famille.

Mi voudrai pas domain mon zenfant li lé com’ moin li plére si la misére son vie,

Non mi voudrai pas domain mon mari i ça avant moin , la point personne va remplace a li ;

Ma rogard’ mon zenfant grandi .

Dolo sicré do vin la misére na in gout amér’ quand na rien qu’ça mem’ pou donné ;

Dolo sicré mon transpiration ,non mi domand’ pas personne manger ,

mém si parfois mi boire lo vent, ma prie bondié pou in grin do riz ;

Ca mon l’éducation oté , ça i rossemb’ mon pays ,

Ma sert lo dent ma vide mon sang mais ma gagne nouri mon faille ;

Mi voudrai pas domain mon zenfant su bord chomin , plére dessi la misére son vie ;

Mi vodrai pas domain mon tantine la oi rien , coupe canne sous gros soleil midi ,

Batail » pou son zenfant grandi alé !!!

Dolo sicré do vin la misère na in gout amér’ quand na rien qu’ça mèm’ pou donné.

Salimina Bernard