Demain

Demain nout’ pays, va sorte dan’ malizé ,

Nou chant’ra pi la misére la souffrance, nout’ crise l’identité ;

Demain nout’ zenfant i lanç’ra pi galet,

Nora pi la violence, in jeunesse révoltée.

Demain nou va lév’ la téte réunionais,

I dira pi nou lé assisté non,

Demain baton va change lo bout’, fo croire tout ça i tient la route

Demain nora pi de comendér , profitér’ , dictatér’ si la terre , domain…

Demain nou trouv’ra pi dovant baro l’école,

Rakéter eq’ fusil dealer, vendeur l’alcool ;

Demain nou va gagne fé l’amour, fé l’amour sans façon,

Sans rajoute in tas de précaution non non non..

Demain tout’ discour politique, na jette la mer dan’ in soubik ,

Demain baton va change lo bout’, fo croire tout ça i tient la route.

Salimina Bernard