Cosé, bougé !

Toué la demand’ a moin

Pou ar’ tourne demain

Ar’ tourne vite ar’tourne demain

Dan’ un bato sans rame

Nou la navigué, si in mer sans vague nou la laisse alé

Non magine pa tout ça lé loin

Pou moin demain la point la fin

Oui comme un naufragé

Fatigué ramé dan’ vague la mer moin lé pou noyé, cosé bougé

In pé la dit y fé rien

la dit «  ça boug comme ça creve pa dan’ chagrin »

toué la referme ton ker sans trop comprend’,

derriere té y pousse, i fallait pa attend’ ; non i fallait pa attend’ non

zot bon figuir non moin té y croi pa , bonjour devant ; derrier té loin d’ ça

Mêm si moin la rodé, zot la gagné. Nout dé toué té y pé arrangé, cosé bougé

Et intel la dit « perd’ pas l’espoir » ; la dit « sirtout ferme pa toué dan’ fénoir » Bouge

Bouge pou trouve un limierè pou éclair ton ker

Descend’ pa trop bas ti remont ‘ra pa

Zordi moin lé là,

oté l’artist cosé bougé ; In pas dé pas

ti rest dobout’ kosa ti fé ?; quel her ma arivé,

oté l’artist cosé bougé ; laiss’ pas tombé

ti rest dobout’ kosa ti fé ; continié bougé

oté l’artist cosé bougé ; comme un naufragé

ti rest dobout’ kosa ti fé ? fatigue ramé oté,

oté l’artist cosé bougé ; fatigue ramé

ti rest dobout’ kosa ti fé ?

Salimina Bernard