Audrey

Quand dan’ tout’ somin malizé

Mi flank coud’ congn’ po fé expré

Mi tombe a terre palto suifé

Dan’ galabert margoze amèr

Mi aime a toué

Quand mi di pétèt’ somanké

Dan’ in bon lhèr na gainye cosé

Na fé bat lo ker ti fler fané

Fane nout’ doulèr pangar mi plèr

Mi aime a toué

Oh mi détak la porte mon cosé

Vomi mon rage sans mal parlé

Lo gout lo fiel dan mon gosier

Limièr soleil doux comme do miel

Mi aime a toué

Moin mi vé cour pli vite que la vie

Cour derièr’ tou sak moin na pi

Derièr’ lamour kan moin na remord

Derièr’ remord quand lé trop fort

Oh mi aime a toué

Quand dan’ tout’ somin malizé

In jour nout dé ou na croisé

Na raconte encore zistoir longtemp

Dodo la minette

Dodo mon zenfan

Moin mi aime a toué

Salimina Bernard