Momon rouv’ la porte à soir là,mon kér,mon kér’ lé maléré ;
Si solman,ou té vé di à moin,tout ça là comment fini arrivé ;
La vie,la mort tout ça là,dan’ l’enfer nout’ société ;
Le crime,crime, crime banalisé ;
La vie la mort tout ça la comment fini arrivé…
Ferme out’ zié,bouche out’ zoreil’
Essaye pas trop cosé ;
Mauvais pensées ça i fé perd’ la tèt’ ;
Kalkilé,kalkilé cosa……….
Momon rouv’ la porte à soir là,
Ca in kèr’, ça mon kèr’ la révolition ;
Mi vé soubat’ pou mon maniér cosé,
Pou mon kiltir, pou mon l’histoir,
Mi vé soubat’ pou mon nation ;
Et i fé rien si dan’ journal dan’ télé,
Tout ça le lé fini marginalisé ;
Ferme out’ zié, bouche out’ zoreil’…
Momon rouv’ la porte à soir là, mon kér’ lé maléré ;
Pèse à moin par coté out’ cosé,
Tout ça la, comme in baba gawé,
Tout ça la,comme in coq’ sinistré…
Ferme out’ zié,bouche out’ zoreil’…
Bernard Salimina
