dérièr' nout' figuir nou la rodé,
dan' fond nout' zié nou la essaye rogardé;
déssi chaque mot pou cose la vie,
lo mèm' zistoire lété écrit;
nout' jeunesse lé pas trop loin,
nou vé pi trompe chomin.
agard' lo temp passé,cosa i peut changé,
nou croi pas l'éternité,chaque jour na son secret;
et si déja nou imagine quand toute sora fini,
i fodra pas nou oubli di : "cosa na fé, c'est la vie".
si nou lé comme ça,
l'amour là la passe par la, la égri nout' kèr;
si nou lé comme ça,
l'amour là,l'amour là lé ater là.
dérièr' chaque caresse nou la trouvé,
in pé plis la tendresse que nou té i vé donné;
chaque frisson té i vé di reste,
comme in dernier cri la détresse;
falé pas tienbo nout' main,la amèn' à nou loin,trop loin.
quand dan nout' rève nou retrouv'
in passion nou découvre;
nou voi pas trop loin devant,
peut etre nou nora point lo temps....
si nou lé comme ça.....
Bernard Salimina
